أسماء طنوس - صورة شخصية

رَمْزُ ٱلْوَفـا وِ ٱلْجودِ يا أَكْرَمَ ٱلأَجواد

فيـكِ أنـا بْلاقـي تَحقيـقَ آمالـي

انتِ التُّراث مْأَصَّلِه وِجْذورِكِ الأَجْداد

بتِبقي أَدْوارَ ٱلْمَجِد عَطـولِ ٱلاجْيـالِ

يا رافِعَه الشُّكْرِ والتَّسبيـحِ لِرَبِّ ٱلْعِباد

يا اللّي عَطـاكِ ٱلْغِنى بِطيبِ أَحْمـالِ

أَثمارُكِ بتِبقى ٱلْغِـذا وهِـيِّ ٱلْمُـراد

ولَوْ صِعْبَتِ الأَحوال بِتْجودي كِرمالي

وما بْتِتْرِكي جوعان وِبْتِطْعِمي الأَحفاد

وبِتْعَمِّري ٱلِبْيـوت يا مْرَيِّحَـه بالـي

فيكِ خيالي بيجود وبيغَنّـي لِك إِنْشـاد

يا اللّـي حَويـتِ فيكِ أَجْمَـلَ ٱمْثـالِ

لأَِصْلِـكِ ٱلأَصيـل بتِشْهَـد لِكِ ٱلِبْلاد

فيكِ البِلاد مْزَنَّـرَه مَشْدودِه الاِوْصـالِ