الوقت الحالي من فيروس كورونا، ولفتت إلى أن وضعها الصحي تحسن في الفترة الأخيرة عما سبق، وقالت "أنا بعتذر للجمهور اني مظهرتش ولكن بسبب تعبي، وكان بيجيلي الفترة اللي فاتت ضيق نفس، والحمد لله دلوقتي بقيت كويسه، كنت فين وبقيت فين".
وأضافت في مداخلة هاتفية مع الإعلامي رامي رضوان ببرنامج "مساء DMC"، المذاع عبر فضائية "DMC" : "أنا والكورونا أصحاب، أول مرة لما مكنش حد عارف دي أيه، وجت لي من 6 شهور وجت دلوقتي".

آمال ماهر تكشف حالتها الصحية
وعبرت آمال ماهر عن سعادتها بسبب اهتمام الجمهور بحالتها بعد غياب دام عام تقريباً، وقالت: "أنا عايزة اطمن الجمهور وأقولهم إن الصور دي قبل ما تنزل على الصفحة بيومين بس، ومكونتش بتابع لأني كنت تعبانه جدا".
وتابعت: "والله أنا لو خفيت ده هيكون بدعاوي الجمهور، أنا دمعت بسبب الحب الكبير، ودي نعمة من ربنا، وحبيت أطمنكم عليا، معلش الفترة اللى فاتت مكنتش قادرة أتواجد معاكم، كان عندى كورونا بس الحمد لله خفيت وحبيت إنى أطمنكم عليا".
وأشارت المطربة المصرية إلى أن حالتها الصحية تأثرت بسبب الإصابة بكورونا، وأوضحت: "الكحة اللي في الفيديو حقيقية وانت قولتلي أطلع لايف، لكن لما أخف هطلع معاك لايف لأن وشي تعبان".

حفلة آمال ماهر
وكشفت آمال ماهر عن إحياء حفلة قريباً، وقالت: "الشركة المنظمة تواصلت معي، وأن شاء الله في حفلة قريبا جدًا، ولكن لم يتم تحديد موعدها حتى الآن، وأول ما أخف من التعب إن شاء الله هظهر لجمهوري، وأكون معاكم في حلقة".

صور نشرتها امال ماهر على صفحتها الفيسبوك - بدون كريدت